Back

Өзбектер автокөліктің он түрі құрастыруға кірісті

Өзбекстандағы автомобиль өндірісіндегі монополист саналатын UzAuto Motors компаниясы 2022 жылдың ақпанына дейін жаңа автокөлікке тапсырыс қабылдамайтынын ресми түрде хабарлады.

Компания автокөлікке қажетті бөлшектерді шетелден жеткізу қиындап кетуіне байланысты осындай шешім қабылдаған.

UzAuto Motors 1 ақпанға дейін автокөлік саудасын тоқтатқан соң, компания бағаны өсіруі мүмкін деген әңгіме тарады. Монополист осыған қатысты сауалдарға әзірге жауап берген жоқ.

Өзбекстан премьер-министрінің орынбасары, инвестиция және сыртқы сауда министрі Сардор Өмірзақовтың айтуынша, үкімет автомобиль өндірісіндегі монополияны жоюды көздейтін қадамдар жасауы мүмкін.

“Автомобиль шығаратын бірнеше компания Өзбекстанда жұмыс істей бастады немесе жұмыс істейді. Өзбекстанда бұл салада монополия болмауы тиіс” деді министр.

Бірнеше компания Өзбекстанда автомобиль құрастыра бастағаны мәлім болды. Олардың арасында Renault (Франция), АвтоВАЗ (Ресей) және KIA (Оңтүстік Корея) бар. Жизақтағы еркін индустрия аймағында автокөліктің он түрі құрастырылып жатыр.

“Автостат” агенттігінің мәліметінше, биыл алты айда өзбек нарығында 101,5 мың автомобиль сатылған.

 Тағы оқыңыз:

Қонаевтың қарапаймдылығы. Қазақстанды басқарған Димекең 80 жылдығын үйінде аз ғана елмен қалай өткізді?