Cоңғы жаңалықтар
Back

“Жаңа жылдық корпоративке тыйым салынады”. Бекшин бұйрық шығарды

Алматыда жаңа жылдық корпоративтік кештер ұйымдастыруға тыйым салынды. Бұл туралы қаланың бас санитарлық дәрігері айтты, деп хабарлайды Dalanews.kz.

Жандарбек Бекшин дәмханалар мен мейрамхана иелерін көп адамдық банкеттерге тапсырыс алмауға шақырды.

– Менің жауабым ең алдымен кәсіпкерлерге бағытталады. Болды, ешқандай ұжымдық той-жиын өтпейді. Коронавирустың таралуы жалғасуда, ондай жағдайда корпоративтік кештер керек емес. Жағдай нашарласа, локдаунға қайта оралуымыз да мүмкін, – деді Алматы қаласының бас мемлекеттік санитарлық дәрігері Жандарбек Бекшин.

Қазір Алматы “жасыл” аймақта тұр. Келесі аптаның басында карантин жеңілдетіледі. Сол кезде қоғамдық тамақтану орындарына түнгі 3-ке дейін, ал Ashyq жобасының лидерлеріне таңғы 5-ке дейін жұмыс істеуге рұқсат етіледі. Орындарды 70 %-ға дейін толтыруға рұқсат берілуі мүмкін.

Сонымен қатар, Алматыдағы кейбір ұжымдар мен мекеме қызметкерлері қазірден-ақ жаңа жылдық корпоративтің қамына кірісіп, кемінде 15 мыңнан ақша жинап жатқандары да бар.

Тағы оқыңыз:

«Америка қауіпті жобасын өз жерінде жүзеге асырсын!». Олжас Сүлейменов Үкіметке ескерту жасады