Cоңғы жаңалықтар
Back

Сараптама қорытындысы: Әсел Айтбаеваны Грузияға апарған туысы зорлаған болып шықты

Бүгін дайын болған сараптама қорытындысында Мұрат Мейірбековтің ДНК-сы табылған. Бұл туралы марқұмның анасы айтты, деп хабарлайды Dalanews.kz КТК арнасына сілтеп.

26 жастағы Әсел Айтбаева қайтыс болғаннан кейін Тбилиси прокуратурасы аудиожазбаға сүйеніп, Мұрат Мейірбековке сырттай “адам зорлады” деген айып тақты. Екі ай өткеннен кейін оның кінәсі дәлелденіп отыр.

Бойжеткенді Грузияға жұмысқа орналастырған Мейірбеков қазір “Адам саудасы” бабымен қамауға алынған. Енді сараптама нәтижесіне сүйеніп, грузиндік және қазақстандық тарап істі біріктіруі тиіс.

Ал отандасымызды зорлап, оны өлімге итермеледі деп күдікті ретінде темір торға қамалған Бесик Тордуа 15 шілдеде ми инфарктінен қайтыс болды. Түрмеден ауруханаға ауыр алде жеткізілген грузин азаматының өмірін дәрігерлер құтқара алмапты.

Еске салсақ, бұған дейін Әселдің өліміне кінәлі күдікті түрмеде өлі күйінде табылғаны хабарланған.

 

Әсел Айтпаеваны зорлады деп айыпталған Тордуа өлімінің себебі айтылды