Даниал Ахметов көпбалалы аналарды тұрғын-үй жөніндегі комиссияға енгізуді ұсынды

Dalanews 16 шіл. 2021 03:06 157

Шығыс Қазақстан облысының әкімі Даниал Ахметов өңір тұрғындарын онлайн қабылдап, азаматтардың мәселелер бойынша жауапты басқармалар мен қала және аудан әкімдеріне тапсырма берді, – деп хабарлайды Dalanews.kz.

Алтай ауданының тұрғындары Березовский кентіндегі Горный шағын көшесін ашуды өтінді. Сонда тұрғындардың республикалық маңыздағы тас жолға жылдам шығып кетулеріне ыңғайлы болады.

Облыс басшысы ауыл тұрғындарына көмектесуді тапсырды. Тұрғындар сумен және жылумен жабдықтау мәселесінің шешілгеніне шынайы ризашылықтарын білдірді.

Балалары жоғары оқу орындарының ақылы бөлімінде оқитын Семейлік көп балалы аналар да аймақ басшысына өз жағдайларын айтып, көмек сұрады. Пандемия кезінде көптеген отбасы қаржылық қиыншылыққа тап болғаны белгілі. Соның салдарынан балаларының оқу ақысының төлей алмағандықтан емтихан тапсыра алмаған. Жұмыспен қамтуды үйлестіру және әлеуметтік бағдарламалар басқармасының мамандары бұл мәселені қысқа мерзімде қарайтын болады.

– Біз бұл мақсаттарға «Парыз» қорынан қаражат бөлеміз. Сонымен қатар, көп балалы аналар өздерін осы санатқа жататын тұрғындарға баспана бөлу жөніндегі комиссияға қосуды сұрады. Мен бұл мәселені үнемі көтеріп келемін.  Алдағы уақытта менің тапсырмам бойынша Семей қаласының әкімі бұл жағдайды реттейді, – деді Д.Ахметов.

Келесі бір мәселені Веста синдромына шалдыққан баланың анасы Оксана Жұмағазиева көтерді. Оның айтуынша, баланың еміне қажет препарат қымбат тұрады. Аймақ басшысы аталмыш мәселені де шешуді тапсырды және жақын күндері бұл отбасыға қаржылай көмек көрсетіледі.

Облыс әкіміне Өскемен қаласының тұрғындары Ахмер кентінен Амбулаториялық орталық ашу және 19-шағын ауданның аулаларын жарықтандыру мәселелері бойынша өтініш білдірді. Алдағы уақытта аймақ басшысының тапсырмасына сәйкес, Өскемен қаласының әкімі мен коммуналдық қызметтер осы мәселелерді шешу жолдарын қарастырып, облыс басшысына жоспарларын ұсынады.

Ұсынылған
Соңғы жаңалықтар
x