Cоңғы жаңалықтар
Back

БҚО денсаулық сақтау басқармасының экс-басшысына қатысты сот үкімі шықты

Батыс Қазақстан облысы денсаулық сақтау басқармасының бұрынғы бастығы Болатбек Каюповқа қатысты сот үкімі шықты, деп хабарлайды Dalanews.kz. 

БҚО Орал қалалық сотының үкімімен Б.А.Каюпов пара алғаны үшін (ҚР ҚК 366-бабы, 2-бөлігі), Тұралиев С.С. және Себепов А.А. пара алуға түрткі болғаны үшін (ҚР ҚК 28-бабы, 5-бөлігі, 366-бабы, 2-бөлігі) кінәлі деп танылды, деп хабарлайды Орал қалалық сотының баспасөз қызметі.

Сот анықтағандай, облыстық денсаулық сақтау басқармасының бұрынғы бастығы Каюпов Б.А. оның қызметкері Себепов А.А. және досы С.С.Тұралиев. жалпы сомасы 78 284 880 теңгені құрайтын медициналық техниканы жеткізу бойынша мемлекеттік сатып алу туралы келісім-шартқа және жабдықты қабылдау актісіне кедергісіз қол қойғаны үшін ЖШС директорынан 7,8 миллион теңге пара алды.

Сотқа дейінгі тергеу барысында Б.А.Каюповтан. – 330 000 теңге, А.А.Себеповтен – 1 060 000 теңге, С.С.Тұралиевтен – 4 300 000 теңге тәркіленіп алынды.
Сот отырысы кезінде Каюпов Б.А. 1 670 000 теңге, Тұралиев С.С. 440 000 теңге қайтарды.

 

Сот Б.А.Каюповқа 4 (төрт) жыл 6 (алты) ай бас бостандығынан айыру, Тұралиев С.С. және Себеповтің А.А. әрқайсысы үшін 3 (үш) жыл бас бостандығынан айыру жазасын тағайындады. Жазаны өтеу ең төменгі қауіпсіздікті қамтамасыз ету мекемесінде белгіленеді, себебі ҚР Қылмыстық кодексінің 46-бабы, 5-бөлігі, 1-тармағы бойынша сыбайлас жемқорлық қылмыс жасаған адамдарға келтірілген зиян толық өтелген жағдайда, бұл жағдайда жаза ең төменгі қауіпсіздік мекемесіне тағайындалады. Сондай-ақ сот үкімімен сотталған Б.А.Каюпов, А.А. Себепов және Тұралиев С.С. мәжбүрлі қосымша жаза тағайындалды, яғни мемлекеттік қызметтегі лауазымдарды атқару құқығынан өмір бойына айыру түрінде.

Сот үкімі заңды күшіне енген жоқ.