Cоңғы жаңалықтар
Back

Лукашенко режиміне санкция салынбақ

Еуроодақ жетекшілері Беларуське санкция салуға келісті. Атап айтқанда, белорус авиациясына одақтың 27 мемлекетінің әуе кеңістігін пайдалануға тыйым салынады, – деп хабарлайды Dalanews.kz.

Еуроодақ кеңесі ресми мәлімдемесінде барлық авиатасымалдаушыларды Беларусь аумағынан ұшпауға шақырған.

Еуроодақ жетекшілері жексенбі күні Грекиядан Литваға ұшқан жолаушылар лайнерінің Минскіге мәжбүрлі түрде қондырылуына жауап ретінде Лукашенко режиміне санкция салып отыр. Минск әуежайына ұшақ қонғаннан кейін Беларусь билігі Лукашенко режимін өткір сынап жүрген, билікке қарсы наразылыққа қатысқан журналист, блогер Роман Протасевичті ұстады. Ол Минскідегі тергеу изоляторына жеткізілді.

Еуроодақ кеңесінің мәлімдемесінде Роман Протасевич пен қызы София Сапеганы босату туралы талап жазылған. Мәлімдеме авторлары билік оларға еркін қозғалуына кепілдік берілуі тиіс деп санайды.

Ал Брюссель Азаматтық авиация жөніндегі халықаралық ұйымды (ICAO) оқиғаны дереу зерттеуге шақырды.

Тағы оқыңыз:

“Жүріп кетсем, қараусыз қаласыңдар…”. Лукашенко біртүрлі жарлыққа қол қойды