Cоңғы жаңалықтар
Back

Түркістан облысында жыл басынан бері бесінші үшем дүниеге келді

Түркістан облысы, Түлкібас ауданында үшем дүниеге келді. 37 жастағы Назипа Янгибаева № 1 Облыстық перениталдық орталығында екі қыз бен бір ұл босанды, – деп хабарлайды Dalanews.kz Түркістан облысы әкімінің баспасөз қызметіне сілтеме жасап.

Жаңа туған нәрестелерге Әдемі, Ислам, Самира есімдері берілді. Мерзімінен ерте туылған үшемдер перениталдық орталық дәрігерлерінің бақылауына алынған.

Бүгінде медицина қызметкерлерінің көмегімен сәбилер салмақ қосып, денсаулық жағдайы жақсаруда. Әзірге үшемдердің қашан шығатыны белгісіз.

Айта кетсек, үшем дүниеге келген отбасының бір ұл мен екі қызы бар. Көпбалалы ана үй шаруасында отырған әйел. Ал, отағасы көлік жүргізушісі болып жұмыс істейді.

Былтыр № 1 Облыстық перениталдық орталығында 8746 сәби дүниге келді. Жыл басынан бері 3108 нәресте туылған. Оның 72 егіздер болса, екеуі үшем. Орталық дәрігерлері әр жыл сайын жүздеген шала туған нәрестелердің өмірін сақтап қалуда.

Тағы оқыңыз:

Түркістан облысында жыл басынан бері екінші үшем дүниеге келді

English EN Қазақ тілі KK Русский RU