Cоңғы жаңалықтар
Back
| DalaNews

Қарағандыда өндірілген 90 мың «Спутник V» вакцинасы облыстарға бет алды

Таяу күндері тұрғындарға Қарағанды фармацевтикалық кешенінде өндірілген COVID-19 вирусына қарсы «Спутник V» вакцинасы егіле бастайды, – деп хабарлайды Dalanews.kz дәрі-дәрмек тарататын бірыңғай дистрибьютор «СК-Фармация» баспасөз қызметіне сілтеме жасап.

Баспасөз қызметінің мәліметінше, 23 ақпанда жұмыс сапарымен өңірге вице-премьері Ералы Тоғжанов келеді. Оның қатысуымен вакцинаны жүкке тиейді.

– Ертең аймақтарға жіберуге дайындық басталады. Барлығы 90 мың дана. Бұл – Қазақстанда өндірілген бірінші вакцина. «СК-Фармацияның» төрт хабы – Нұр-Сұлтан, Алматы, Шымкент және Ақтөбе қалаларына жеткізіледі. Ол жақтан басқа аймақтарға жіберіледі, – деді СК-Фармация» баспасөз қызметінің жетекшісі Серік Мұқашев.