Кісі қаққан Қабатовтың көмекшісі тағы бір заңсыздықпен ұсталды

Dalanews 25 қар. 2020 10:30 171

Танымал өнерпаз Тұрсынбек Қабатовтың көмекшісі тағы да тәртіп сақшыларының құрығына ілінді. Бұл туралы Kokshetau Asia жазды, деп хабарлайды Dalanews.kz. 

Порталдың хабарлауынша, ол мас күйінде көлікке отырып, жылдамдықты асырғаны үшін қамауға алынды. Оның бұл жолы Тұсынбек Қабатовтың әйелі Мөлдір Мұқановаға тиесілі Cadillac Escalade автокөлігін тізгіндегені хабарланған.

Айта кетсек, 2020 жылдың қазанында Тұрсынбек Қабатов 2019 жылы өз машинасымен болған адам өліміне әкеп соққан апатқа қатысты түсініктеме берді.

Көлікті оның көмекшісі тізгіндегені белгілі болды, ол Теміртау-Нұра-Нұр-Сұлтан тас жолында 34 жастағы жаяу жүргіншіні қағып кеткен. Зардап шегуші оқиға орнында көз жұмған. Ол кезде ер адам жүргізуші куәлігінен айырылған. Қарағанды облыстық полиция департаменті қылмыс құрамы жоқ болғандықтан ол оқиғаға қатысты іс тоқтатылғанын айтты.

Яғни, қымбат Лексус көлігін тізгіндеген Қабатовтың көмекшісі жазаланбайды. Олардың сөзінше, қайтыс болған азамат жолдың бетіне өзі шығып кетіп, ереже бұзған көрінеді.

Ұсынылған
Соңғы жаңалықтар
x