Back
| DalaNews

Ердоған Макронды мұсылмандарға көзқарасы үшін сынады

Түркия президенті Режеп Тайып Ердоған 24 қазанда Франция президенті Эммануэль Макронды мұсылмандарға көзқарасы үшін ашық сынап, “өзінің психикасын емдеу керек” деді.


Осының алдында Макрон Француз республикасының зайырлы құндылықтарын радикалды исламнан қорғауымыз керек деп мәлімдеген. Бұл сөздер Ердоғанның ашуына тиген.

“Әртүрлі конфессияның миллиондаған өкілінің “психикасын емдеу” керек деп айтқан мемлекет басшысы туралы не айтуға болады”, – деген Ердоған.

Макрон мен Ердоған арасында Жерорта теңізінің шығысына, Ливия, Сирия жағдайына қатысты пікір қайшылықтары бар.

Макрон қазан айының басында исламды “әлемдік дағдарыс” деп атаған. Президент желтоқсан айында үкімет 1905 жылы қабылданған шіркеуді Француз мемлекетінен ажырататын заңды нығайтатын заң жобасын ұсынатынын айтқан.