Cоңғы жаңалықтар
Back

Алматының Барахолкасындағы базарлар жұмысын тоқтатты

Алматыдағы «Байсат», «Барлык», «Ялян», «Рахат», «Барыс», «Алатау», «Болашақ», «Мизам», «Арлан», «Өжет», «Ақ-Бұлак», «Кенжехан» базарларында санитарлық тазалық күні жарияланып, жұмыстарын тоқтатты, – деп хабарлайды Dalanews.kz ақпараттық агенттігі Тengrinews.kz сайтына сілтеме жасап.  

– Бүгін, яғни, 8 ақпан күні «Байсат» базарында санитарлық тазалық күнін жарияладық. Базарда санитарлық тазалық жұмыстарын жүргізіп, қар-мұздан тазалап, халықтың қолайлы жұмыс істеуіне жағдай жасауды көздеп отырмыз. Біздің базарда екі мыңнан астам жұмыс істейді. Оларға санитарлық жұмыстардың жүргізілетінін күнібұрын хабарладық. Базарда жұмыс істейтін адамдарға санитарлық жұмыстардың қолға алынғанын WhatsApp пен Instagram әлеуметтік желісі арқылы хабарладық, – деді «Байсат» ЖШС-ның заңгері.

Сол сияқты «Ялян» базары директорының орынбасары Мәлік Мұқажанов «Бізде базарда 300-350 адам жұмыс істейді. Бүгін санитарлық күн болғандықтан бәрі демалып жатыр. Кеше бәріне хабарлағанбыз» деді.