Ұлттық бюроның баспасөз қызметінің хабарлауынша, бірінші жағдайда жасанды жолдың кедір-бұдырын жөндеу бойынша орындалған жұмыс актілеріне қол қойғаны және кәсіпкердің жосықсыз жеткізушілер тізіліміне енгізілмеуі үшін олар делдал арқылы 1,5 млн теңге алған.
Сол күні Сүлейменов аялдама павильондарын сырлау және жуу бойынша орындалған жұмыс актілеріне қол қойғаны үшін пара түрінде тағы 600 мың теңге алған.
Әр жағдайда заңсыз сыйақы мөлшері бұрын ұтып алған мемлекеттік сатып алу конкурстарының сомасынан 10 пайыз болған.
«Ұсталған Сүлейменов Астана қаласы ІІД ҰУИ қамалды. Қазір сот алды тергеу жүргізілуде», делінген хабарламада.
Қазақпарат
