Atyraý oblysynda jumysshyny soqqyǵa jyqqan er adamǵa qatysty vıdeo áleýmettik jelide tarap, qoǵam nazaryn aýdartty, dep habarlaıdy Dalanews.kz.
Jylyoı aýdanynyń turǵyny jarıalaǵan beınejazbada AMANAT partıasynyń jergilikti depýtaty ári qoǵamdyq keńes tóraǵasy Beket Qulbaevqa uqsaıtyn adamnyń jumysshyny urǵan sáti kórsetilgen.
Polısıa departamenti oqıǵaǵa baılanysty tekseris júrgizip, janjalǵa qatysqan azamattardyń jeke basyn anyqtaǵanyn málimdedi.
Quqyq qorǵaý organdary jumysshyǵa qol kótergen er adamǵa qatysty «usaq buzaqylyq» baby boıynsha ákimshilik is qozǵalǵanyn habarlady. Al jábirlenýshi aryz jazýdan bas tartqan jáne dárigerlerdiń kómegine júginbegen.
