Еуропа Ресеймен соғысты бастайтын болса, Ресейдің келіссөз жүргізетін ешкімі қалмауы мүмкін. Бұл туралы РФ президенті Владимир Путин мәлімдеді, деп хабарлады Dalanews.kz

«Бұл Украина емес. Украинамен хирургиялық тәсілмен, ұқыпты түрде әрекет етіп жатырмыз, яғни… түсінікті ғой? Бұл қазіргі заманғы тікелей мағынадағы соғыс емес. Ал егер Еуропа кенеттен соғыс бастағысы келіп, оны бастайтын болса, онда біз келіссөз жүргізетін ешкім қалмайтын жағдай өте жылдам орын алуы мүмкін», – деді РФ президенті сейсенбі күні журналистерге.