Back

Батыстағы “көмірсутегі салығы” Қазақстанға қалай әсер етеді? 

Еуроордақ енгізгелі отырған “көмірсутегі салығы” Қазақстанның энергетика саласына қалай әсер етеді, қазба байлықты экспорттаудың басқа бағыттары бар ма? 

Энергетика вице-министрі Жұмабай Қарағаев осы мәселенің төңірегіндегі өзекті сауалдарға жауап берді деп хабарлайды Dalanews.kz.

Бұған дейін бірқатар сарапшылар Еуроодақ елдерінің “көмірсутегі салығын” енгізуі Қазақстанның экспорттық әлеуетіне кері әсер ететінін айтып, осыған байланысты Қазақстан үкіметінен жедел шешім қабылдауды сұраған еді. 

Қарағаевтың пікірінше мұндай салық түрінің енуі еліміздің мұнай-газ саласын ақсатып кетуі мүмкін. 

“Бірақ, бұдан шығар жол бар. Тасымалдың басқа бағыттарын іздестіру керек. Дәл қазір баламалы маршруттарды айқындау үстіндеміз. Бұл Қытай және Оңтүстік-Шығыс Азия елдері.

Қазақстан мұнайының негізгі экспорты Еуразиялық одаққа құрамындағы елдерге тасымалданады. Егер Батыс елдері “көмірсутегі салығын” енгізер болса, Қазақстан өзге елдермен келіссөз жүргізеді. Яғни, мұнай және өзге де энергия көздерін Батыстан басқа елдерге тасымалдайтын боламыз”, – деп пікір білдірді Жұмабай Қарағаев. 

Бұған дейін Энергетика министрлігі “Жер қойнауын игеру” туралы заңға өзгеріс енгізгелі отырғанын хабарлаған болатынбыз.