Cоңғы жаңалықтар
Back

«Өз сөзінен өзі қорқады». Халыққа сөзіне сенімді, еркін ойлы сарапшылар керек

Редакциядан: Аrasha.kz сайтының бас редакторы, белгілі журналист Өміржан Әбдіхалықұлы сайт тілшілеріне сұхбат беріп, артынан өз сөзінен өзі қорқаққан ҚР Президенті жанындағы Қазақстан стратегиялық зерттеулер институтының директоры Еркін Тұқымовтың сұхбатын сайттан алып тастауға мәжбүр болғанын жазды.

 

– Аrasha.kz сұхбат береді. Оны тағы өздері қарап шығады (спикерге құрмет есепті жасалады). Сосын тақырыбын «біз айтқандай қоймадыңдар, өзгерттіңдер» деп тулайды келіп. Сұхбат алған тілшіге қайта-қайта хабарласып, миын ашытады.

Аспаннан алып тақырып қоймайсың. Өз сөзі. Өз сөзінен өзі қорқады. Сөйте тұрып, елге саясат, реформалар, референдум туралы айтады. Осындай қайшылыққа толы, өз сөздерінен өздері қорқып, үркіп жүрген саясаттанушылар қоғамдық пікірді түзуге талпынады, ал мекеме президентке саяси зерттеулер ұсынып отырады.

ҚР Президенті жанындағы Қазақстан стратегиялық зерттеулер институтының директоры Еркін Тұқымов мырзаның берген сұхбатына рахмет айтып, сайттан алып тастаймыз!

Сіздің өзіңіз қорқатын сөзіңіздің аудиторияға керегі шамалы. Аудиторияға өз сөзіне сенімді, тәуелсіз, еркін ой-пікірін қадірлей алатын саясаттанушы сарапшылар керек. Мұндай жағдай жиі кездесіп тұрады. Алайда енді осыны тоқтатайық.

Жаңа Қазақстан жағдайында Президент жанындағы ұйымдар да ойлануы шарт деп білеміз, – деді әріптесіміз.

Тағы оқыңыз:

«Дикий Арманды» қамау мерзімі 2 айға ұзартылды

«Бас шұлғитын емес, бас көтеретін депутат керек!». Директор депутаттар мәселе шешпейді

“Шымкент жастар лигасы” спорт додасының жеңімпаздары анықталды