Back

“Соңғы тиынға дейін санап беремін…”. Кәрімовтың қызы Мирзияевқа хат жазды

25 ақпанда әлеуметтік желіде Өзбекстанның тұңғыш президенті Ислам Каримовтің үлкен қызы Гүлнараның ел басшысы Шавкат Мирзияевқа жазған хаты жарияланды. Оны Instagram парақшасына Гүлнараның Лондонда тұратын қызы Иман жариялады.


Гүлнара хатында Шавкат Мирзиявті ұзақ жылдан бері жақсы танитын адам ретінде атаған.

Ол өзін бір түрмеден екінші түрмеге үздіксіз көшіре беретініне наразы болып, өзіне қарсы қозғалған қылмыстық істе өрескел заң бұзушылық орын алып жатқанын жеткізген. Ол отбасына тиесілі жалпы құны 1,2 млрд доллардың билік тарапынан тәркіленгеніне қарамастан “материалдық залалды жабу ретінде” есептемегенін атап өткен.

“Мен отбасымды, денсаулығымды сақтау мақсатында егер маған қозғалған қылмыстық істердің бәрі сотсыз жабылатын болса, Швецарияда бұғатталған 686 млн АҚШ доллардан мемлекет мүддесі үшін бас тартатынымды мәлімдеймін”, – деген Гүлнара Каримова.

Осының алдында ғана Лондонда тұрып жатқан Гүлнараның ұлы Ислам да өзбек президентінің атына “атамның шәкіртісіз” деп анасын босатуын сұраған.

47 жастағы Гүлнара Каримова қазір Ташкент облысындағы Зәңгіата ауданындағы әйелдер түрмесінде жазасын өтеп жатыр. Оны осы уақытқа дейін бес рет соттады.

Биыл қаңтар айының басында Өзбекстан бас прокуратурасы Гүлнара Каримоваға қатысты тағы бір сот ісі басталғанын мәлімдеген. Бұл жолы ол “ұйымдасқан қылмыстық топ құрамында бюджет ақшасын талап-таражға салды, шетелде жасырған ақшаны заңдастырды” деп айыпталып жатыр.

Оның швейцариялық адвокаты Грегуар Манжа Каримоваға қанша рет қылмыстық іс қозғалғанын білмейтінін айтады. ​

Былтыр Швейцарияның бас прокуратурасы бұғатталған ақшаның тек 133 млн долларын қайтарамыз деп мәлімдеген.

Тағы оқыңыз:

Дариға Назарбаева: “Әкімдер өтірік цифрларды судыратады”