Онлайн орталықтың жұмысы басты назарда

Dalanews 17 мам. 2022 04:28 169

АҚШ университеттері мен білім беру орталықтарындағы "Digital Education in the United States" бағдарламасы бойынша курс тыңдаушыларының тобы Айова штатының білім департаментіне барып қайтты. Кездесу нәтижелі әрі қызықты өтті. Департамент өкілі Тиффани Морган білім беру жобаларын шолуда онлайн-орталықтың жұмысына басты назар аударды.

Әлем COVID-19 туралы әлі білмеген және дүниежүзілік індет болуы мүмкін деп күдіктенбеген кезде штаттың білім департаменті шалғай аудандарда тұратын студенттерге сабақ беру үшін тәжірибелі тәрбиешілерді тарту мақсатында онлайн курстар енгізді. Бұл тәжірибе пандемия кезінде барлық мектептер қашықтықтан оқытуға көшкен кезде өте пайдалы және сұранысқа ие болды.

Қазіргі уақытта департамент қашықтықтан оқыту орталығы сайтының жұмысын қолдап отыр, онда мұғалімдер сабақтар өткізу үшін дидактикалық материалдар әзірленіп, сондай-ақ сабақтарға арналған курстық материалдар онлайн форматта орналастырылған. Оқу стандарты мемлекеттік деңгейде анықталады. Ал курстық материалдарды әзірлеуді сарапшылар тобы жүзеге асырады.

Айова мемлекеттік университеті мұғалімдер мен мектеп әкімшілігін оқытумен айналысады. Мұнда инклюзивті білім беруге көп көңіл бөлінеді. Мысалы, үйде оқитын оқушыларға олардың сыныптағы өкілі ретінде роботты ұсынылады. Сондай-ақ, университет оқытушылары қонақтармен қашықтықтан оқыту курстарының бағдарламаларын жасау тәжірибесімен бөлісті.

Нұрзат Раймқұлова

Ұсынылған
Соңғы жаңалықтар
x