Cоңғы жаңалықтар
Back

Қайырымдылық жасау Түркістан облысының түлектері үшін дәстүрге айналған

Қайырымдылық шаралары Түркістан облысының түлектері арасында дәстүрге айналғандай. Кентау қаласына қарасты Ащысай ауылының №7 Ж.Жабаев мектебінің 2001 жылғы түлектері жерлестеріне ерекше сыйлық жасады. Жастар ауылдағы саябаққа балалар ойын алаңшасын орнатып, бүлдіршіндерді қуантты. Түлектер тартуының жалпы құны – 600 мың теңге, – деп хабарлайды Dalanews.kz Түркістан облысы әкімінің баспасөз қызметіне сілтеме жасап.

Елжандылықтың тамыры кіндік қаны тамған жерді, өскен өлкені сүю, оған құрмет таныта білу. Елбасы мақаласынан бастау алған «Болашаққа бағдар: руғани жаңғыру» бағдарламасының «Туған жер» бағыты осыған үндейді.

Ауыл балаларын бақытқа бөлеген түлектер өзге де мектеп түлектерін игілікті іске мұрындық болуға шақырды.

Жалпы, мұндай игі шара Кентау қаласында алғаш рет орын алып отырған жоқ. Дәл осындай тартуды 1984 жылы туған түлектері 9 мамыр – Ұлы Жеңіс күніне орай, ауыл паркінде орналасқан «Мәңгілік алау» монументін қайта жаңартып, Ұлы Жеңістің 76 жылдығына керемет сый жасаған еді.

Тағы оқыңыз:

Түлкібаста 20 жылдық түлектер 13 жыл жалдамалы пәтерде тұрған көпбалалы отбасыға баспана сыйлады