Back
| DalaNews

Түркістандық оқушылар топ жарды

Нұр-Сұлтан қаласында өткен «Ұлттық мектеп лигасы» республикалық турнирінде Түркістан қаласындағы Ж.Еділбаев атындағы №18 мектеп-гимназияның оқушылары лига жеңімпазы атанды, – деп хабарлайды Dalanews.kz Түркістан облысы әкімінің баспасөз қызметіне сілтеме жасап.

Волейболдан 9-11 сынып оқушылары арасында өткізілген облыстық жарыста биіктен көрініп, елордаға аттанған жас волейболшылар турнир барысында бірде-бір рет жеңілмеген. Жартылай финалда жергілікті елордалық команданы, ал финалда Павлодар облысынан келген қарсыластарға дес бермей, жеңімпаз кубогіне ие болды.

Айта кетерлігі, осыған дейін Ақмола облысының Щучинск қаласында баскетболдан 9-11 сынып ұлдары арасындағы турнир мәреге жеткен болатын. Онда Түркістан қаласындағы Ә.Науаи атындағы №13 мектеп-гимназияның оқушылары лайықты ойын-өрнектерімен дараланып, IV орынға табан тіреді.

Тағы оқыңыз:

Арыстық ардагерлер рухани астана – Түркістан қаласының құрылысымен танысты