Cоңғы жаңалықтар
Back

Абай атындағы ҚазҰПУ мен СҚО Білім басқармасымен кездесуі

Университет ректоры Такир Балықбаевтың бастамасымен 2020/2021 оқу жылында бітіретін түлектерді жұмысқа орналастыру үрдісі қарқынды жүргізіліп жатыр. Университет 2021 жылдың 2 сәуірінде «Жұмыс берушілер апталығын» ашты. Апталықтың негізгі мақсаты – әр облыс өкілдерімен жекелей кездесіп ынтымақтастықты нығайту және бітіруші түлектерді сол өңірге жұмысқа орналастыру.

Жұмыс берушілер апталығының 7 сәуірдегі кездесуі СҚО Білім басқармасының өкілдерімен өтті. Кездесуді университет ректоры Такир Балықбаев ашты. Кездесуге университеттің академиялық мәселелер жөніндегі проректоры Асан Сәтмырзаев, Академиялық мәселелер жөніндегі департамент директоры Хайрулла Жанбеков, «Мансап» орталығының басшысы Гүлира Үсейін, СҚО білім басқармасының басшысы Гүлмира Кәрімова, СҚО Білім басқармасының педагогикалық кадрлармен жұмыс бөлімінің басшысы Гүлшат Шаймерденова, СҚО білім басқармасына қарасты білім бөлімінің басшылары, мектеп директорлары, студенттер мен магистранттар қатысты.

Кездесу барысында екі жақты ынтымақтастықты жаңғырту, өзара ғылыми-теориялық тәжірибе алмасу, педагогикалық практиканы жандандыру, жастарды мерзімді жұмыспен қамту мәселелері талқыланды. Студенттер сұрақ қойып, тиісті жауаптарын алды. Кездесу соңында тың жобаларды бірге жүзеге асыру жоспарланды.

English EN Қазақ тілі KK Русский RU