Тоқаевтың жарлығымен Назарбаеваның өкілеттігі тоқтатылды

Dalanews 02 мам. 2020 06:46 166

Мемлекет басшысының Жарлығымен Қазақстан Республикасы Парламенті Сенатының депутаты Дариға Нұрсұлтанқызы Назарбаеваның өкілеттігі тоқтатылды деп хабарлайды Dalanews.kz Ақорда сайтына сілтеме жасап.

Айта кетелік Назарбаева Сенат төрағасы қызметіне былтырғы жылдың 2-ші қыркүйегінде сайланған.



Жасырын дауыс беру нәтижесінде жиынға қатысқан 48 сенаттың 47-сі Дариға Назарбаеваның кандидатурасын қолдап дауыс берген еді.

Дариға Нұрсұлтанқызы Назарбаева 1963 жылы Қарағанды облысының Теміртау қаласында туған. 1983 жылы М.В. Ломоносов атындағы Мәскеу мемлекеттік университетінің тарих факультетін, 1985 жылы С.М. Киров атындағы Қазақ мемлекеттік университетінің тарих факультетін бітірген.

1985-1987 жылдары - М.В. Ломоносов атындағы Мәскеу мемлекеттік университеті тарих факультетінің тағылымдамадан өтуші-зерттеушісі. 1987-1990 жылдары - М.В. Ломоносов атындағы Мәскеу мемлекеттік университетінің аспиранты.

Саяси ғылымдар докторы, тарих ғылымдарының кандидаты. 1992-1994 жылдары - «Бөбек» балалар қайырымдылық қорының вице-президенті.

1994-1995 жылдары - «Қазақстан теледидары мен радиосы» республикалық корпорациясының вице-президенті, «Хабар» Ұлттық телевизиялық ақпараттық агенттігінің директоры. 1995-1998 жылдары - «Хабар» Агенттігі» республикалық мемлекеттік кәсіпорнының бас директоры.

1998-2001 жылдары - «Хабар» агенттігі» ЖАҚ-ның президенті. 2001-2004 жылдары - «Хабар» агенттігі» ЖАҚ-ның директорлар кеңесінің төрайымы. 2004-2007 жылдары - ІІІ сайланған Қазақстан Республикасы Парламенті Мәжілісінің Республикалық «Асар» партиясының тізімі бойынша сайланған депутаты, «Аймақ» депутаттық тобының жетекшісі.

2007-2012 жылдары - «Қазақстан Республикасы Тұңғыш Президенті Қоры» қоғамдық қорының директоры. 2012-2014 жылдары Қазақстан Республикасы Парламенті Мәжілісінің депутаты, Әлеуметтік-мәдени даму комитетінің төрайымы.

2014-2015 жылдары - ҚР Парламенті Мәжілісі төрағасының орынбасары. 2015 жылғы қыркүйектен ҚР Парламенті Сенатының депутаты, Халықаралық қатынастар, қорғаныс және қауіпсіздік комитетінің төрайымы болды.

Ұсынылған
Соңғы жаңалықтар
x