Бокстан орта салмақтағы әлем чемпионы Геннадий Головкин америкалық Дэниел Джейкобсты жеңіп өзінің аталған салмақтағы WBA, WBC және IBF белбеулерін сақтап қалды.
Жекпе-жек Джейкобстың туған қаласы Нью-Йоркте өтті. Гена 4-ші раундта қарсыласын нокдаунға жіберген, алайда Дэниел сасқан жоқ. Әрі қарайғы раундтарда жерлесімізбен тең дәрежеде өнер көрсетті.
12 раундқа созылған кездесуде төрешілер Геннадий Головкинді ұпай саны бойынша жеңімпаз деп таныды: 114-113, 115-112, 115-112.
Айта кетсек, Гена ұпай саны бойынша соңғы рет 2008 жылы жеңіске жеткен. Бұдан сырт ол кәсіпқой бокста алғаш рет 12 раундты толық өткізді.
Кәсіпқой рингте 37 кездесу өткізген Головкин 37-ші жеңісіне жетті.
https://youtu.be/EKVve0mcdik
https://youtu.be/2JM8NISo6jI
