Cоңғы жаңалықтар
Back

Тоқаев тапсырмасы: Алматыдағы шағын және орта бизнестің үлесі 50 пайыздан асып жығылды

Алматыда жалпы өңірлік өнім құрылымындағы өңдеу өнеркәсібінің үлесін 9%-ға дейін арттыру жоспарланып отыр, деп хабарлайды Dalanews.kz. 

“Алматы қаласын 2025 жылға дейін және орта мерзімді перспективаларды 2030 жылға дейін дамыту” бағдарламасының шеңберінде 2030 жылға қарай жалпы өңірлік өнім құрылымындағы өңдеу өнеркәсібінің үлесін 9%-ға дейін көтеру және тауарлар экспортын 7,4 млрд. АҚШ долларына дейін екі есеге арттыру жоспарланып отыр.

Қазіргі уақытта, қала экономикасының құрылымында 35,2%-дық үлеспен сауда, қаржы және сақтандыру қызметі (8,9%), сондай-ақ жылжымайтын мүлікпен жасалатын операциялар (7,3%) басым болып отыр. Өңдеу өнеркәсібі (машина жасау, тамақ өнеркәсібі, құрылыс материалдарының құрылысы, фармацевтика жиһаз өндірісі және т.б.) жылдан жылға тұрақты оң қарқынды көрсете отырып, жалпы өңірлік өнімнің 4,8%-ын қалыптастырып отыр.

Экономиканы сапалы түрде әртараптандыру мақсатында, таяу жылдары мемлекеттік қолдаумен өндірістік үдерістерді автоматтандырудың және цифрландырудың жоғары деңгейі бар шағын технологиялық өндірістер қамтылатын болады, оның өнімдері сыртқы нарықта жоғары бәсекеге қабілеттілігімен ерекшеленеді. Айтпақшы, бүгін Алматы өндірісінің технологиялық деңгейі айтарлықтай, яғни жалпы көлемдегі үлестің 2017 жылы 12,8%-дан 2021 жылы 36,2%-ға дейінгі өсімін көрсетіп отыр.

Басым салалардың әлеуетін ұзарту өнеркәсіптік аумақтарды кеңейту және ескірген жабдықтарды жаңарту, кадрлық әлеуетті (инженерлерді, конструкторларды, жұмысшы мамандықтарын дайындау үшін алдыңғы қатарлы жоғары оқу орындарымен әріптестік бағдарламаларды) дамыту есебінен, сондай-ақ өнімділікті және бәсекеге қабілеттілікті арттыру үшін жағдайлар жасау жолымен қалыптастырылатын болады.

Бүгінгі күні, Алматы Қазақстандағы кәсіпкерлік бастама орталығы болып табылады.

Қалада еліміздің экономикасының бесінші бөлігі және бюджетке түсетін түсімдердің төрттен бір бөлігі қалыптастырылады.

Алматыда қажетті еңбек және инфрақұрылым ресурстары бар, бұл қаланы Қазақстанның ең инвестициялық-тартымды өңірлерінің біріне айналдырады. Шағын және орта бизнес дамыған, оның үлесіне өңірлік экономиканың жартысынан көбі (51,4%) тиесілі болып келеді, онда 628,7 мың адам немесе 60,7% экономикалық жағынан белсенді халық жұмыспен қамтылған. Алматының қолайлы инвестициялық ахуалы 2022 жылғы ақпанда «ВВВ» деңгейінде жүргізілген «Fitch Ratings» зерттеуңне сәйкес, жоғары несие рейтингімен расталады.