Астанада тіркеуде жоқ азаматтар үшін 23 сайлау учаскесі ашылды

2022 ж. Қараша 17

7.73k

Қазақстанда 2022 жылғы 20 қарашада Қазақстан Республикасы Президентінің кезектен тыс сайлауы өтеді. Астанада сайлау күні қалада тіркеуде жоқ азаматтар дауыс бере алатын 23 учаскенің тізімі жарияланды, – деп хабарлайды Dalanews.kz Астана қаласы әкімдігінің ресми сайтына сілтеме жасап.

Сайлаушылардың осы санатына «Азаматтарға арналған үкімет» мемлекеттік корпорациясының қызметкерлері көмек көрсететін болады. Мұнда әртүрлі себептермен тіркелмеген адамдар өз құқығын пайдаланып, дауыс бере алады. Осы мақсатта аталған учаскелерде бір күндік тіркеу жүргізіледі. Сондықтан қала тұрғындары мен қонақтары тіркеусіз-ақ өздерінің азаматтық борышын орындауға және ел өміріндегі маңызды оқиғаға өз үлесін қосуға мүмкіндігі бар.

Ол үшін азаматтардың осы санаты сайлау учаскесіне сайлау күні келіп, сол жерде бір күнге тіркелуі тиіс.

Мұндай толықтыру Үкіметтің 2011 жылғы 1 желтоқсандағы «Ішкі мигранттарды тіркеу қағидаларын бекіту туралы» қаулысына енгізілген болатын. Онда тұрғылықты жері бойынша тіркеуден шығарылған адамдарды сайлау күні, сайлау учаскесінің мекенжайы бойынша ғимаратта немесе үй-жайда тіркеуге мүмкіндік берілетіні айтылған.

Естеріңізге сала кетейік, Астанада сайлау күні 406 сайлау учаскесі ашылады. Сіз өзіңіздің учаскеңізді sailau.astana.kz сайты арқылы, Smart Astana мобильді қосымшасы, Telegram чат-ботына кіру арқылы немесе iKomek байланыс орталығына 109 нөмірі бойынша қоңырау шалу арқылы біле аласыз. Айта кетейік, елордада 20 қараша күні автобустарда жол жүру тегін болады.

Тіркеуде жоқ азаматтарды тіркеуге арналған Астана қаласындағы сайлау учаскелерінің тізімі

№	Республикалық маңызы бар облыстың/ қаланың атауы	Республикалық маңызы бар облыс / қаладағы аудан орталығы	№	Мекенжай (көше, үйдің нөмірі)	Нысанның атауы (мектеп, мәдениет үйі, мемлекеттік мекеме және т.б.)
1	Астана қаласы	Алматы ауданы	7	А. Петрова көш, № 8	№ 28 мектеп-лицейі
2	Астана қаласы	Алматы ауданы	19	Күйші Дина көш, № 44/3	№ 37 Сырбай Мәуленов атындағы мектеп-лицейі
3	Астана қаласы	Алматы ауданы	25	Бурабай көш, № 38	№ 52 Бейімбет Майлин атындағы мектеп-гимназиясы
4	Астана қаласы	Алматы ауданы	29	Промышленный елді мекені, Шарбақты көш, № 46	№ 57 Мәшхүр Жүсіп атындағы орта мектеп
5	Астана қаласы	Алматы ауданы	42	Қарқабат көш, № 17	№ 53 Бауыржан Момышұлы атындағы мектеп-лицейі
6	Астана қаласы	Алматы ауданы	60	№ А-191 көш, № 2	№ 73 мектеп-лицейі
7	Астана қаласы	Байқоңыр ауданы	70	М. Ғабдуллин көш, № 7	№ 10 Ж. Тәшенев атындағы мектеп-гимназиясы
8	Астана қаласы	Байқоңыр ауданы	95	Ж.Досмұхамедұлы көш, № 2	№ 55 орта мектеп
9	Астана қаласы	Байқоңыр ауданы	335	С.Сейфуллин көш, № 50	№ 8 мектеп-лицейі
10	Астана қаласы	Есіл ауданы	116	Исатай батыр көш, № 141	№ 69 мектеп-гимназиясы
11	Астана қаласы	Есіл ауданы	129	Е11 көш, № 8	№ 78 мектеп-гимназиясы
12	Астана қаласы	Есіл ауданы	113	Д. Қонаев көш, № 33/1	№ 66 мектеп-лицейі
13	Астана қаласы	Есіл ауданы	406	№ 38 көше, № 40а	«Binom school» мектеп-лицейі
14	Астана қаласы	Есіл ауданы	106	Пригородный елді мекені, Арнасай көш, № 127	№ 24 орта мектеп
15	Астана қаласы	Сарыарқа ауданы	198	Алмалық көш, 1	«Наз» мемлекеттік би театры» МКҚК
16	Астана қаласы	Сарыарқа ауданы	190	Карталинская көш, 62	№20 мектеп-гимназиясы
17	Астана қаласы	Сарыарқа ауданы	191	Карталинская көш, 62	№20 мектеп-гимназиясы
18	Астана қаласы	Сарыарқа ауданы	203	«Көктал-2» елді мекені, Құсмұрын көш, 2	№ 68 М. Дулатұлы атындағы мектеп-гимназиясы
19	Астана қаласы	Сарыарқа ауданы	204	«Көктал-2» елді мекені, Құсмұрын көш, 2	№ 68 М. Дулатұлы атындағы мектеп-гимназиясы
20	Астана қаласы	Сарыарқа ауданы	348	«Көктал-2» елді мекені, Құсмұрын көш, 2	№ 68 М. Дулатұлы атындағы мектеп-гимназиясы
21	Астана қаласы	Сарыарқа ауданы	172	Ы. Дүкенұлы көш, 29	«Тұран-Астана» университеті
22	Астана қаласы	Сарыарқа ауданы	173	Ы. Дүкенұлы көш, 29	«Тұран-Астана» университеті
23	Астана қаласы	Сарыарқа ауданы	409	№187 көш, № 17	«Дарынды қыздарға арналған «Білім-инновация» лицей-интернаты»,