Back

Елордада Bus Lane қоғамдық көлік жолағы 73,6 шақырымға жетті

Елордада Bus Lane автобустарға арнағлан жүру жолға енгізілуде. Бүгінде қоғамдық көлікке арналған жолақтар қаланың 26 көшесіне енгізіліп, оның жалпы ұзындығы 73,6 шақырымға жеткен, – деп хабарлайды Dalanews.kz.  

Осы Bus Lane қоғамдық көлік жолғының арұасында қалада көлік кептелісі азайып, кедергісіз жүретін маршруттық желі қалыптасқаны.

Қоғамдық көлікке басымдық берудің маңыздылығын мән берілгендіктен 2015 жылы елорда көшелерінде арнайы бөлінген «Bus Lane» жолағы енгізіле бастаған-ды.

Қалалық қоғамдық көлік қарбалас уақытта жеке көліктерге қарағанда әлдеқайда басымдыққа ие. Нәтижесінде жолаушылар уақытын ұтымды пайдалануда. Бұл қозғалыс жағдайын жақсартып қана қоймай, қала экологиясына және жалпы қоршаған ортаға оң әсер етеді.

Бөлінген жолақтар қоғамдық көлік қозғалысын жылдамдатуға, жол-көлік оқиғасы санын азайтуға бағытталған. Қоғамдық көліктің кедергісіз өтуін қамтамасыз етуден басқа, бұл жоба ресми такси мен арнайы қызметтер үшін де тиімді. Оның ішінде жедел жәрдем көліктері мен өрт сөндіру техникаларының оқиға орнына жылдам жетуіне оң әсер етеді.

«Bus Lane» енгізу қоғамдық көліктің жұмысын жақсартуға мүмкіндік берді, атап айтқанда:

– Көлік кептелісінде автобустардың жүру жылдамдығы жақсарту;

– Қозғалыс интервалы мен кестесін сақтау;

– Жалпы ағымда қоғамдық көлікті басқаруды жеңілдету;

– Автобустар қозғалысына басымдық беру;

– Кесте бойынша бұзушылықтар санын азайту;

– Автобус жүргізушілерінің тәртібін арттыру;

– Қозғалыс қауіпсіздігін арттыру;

– Автобустардың орташа қозғалыс жылдамдығын арттыруға ықпал етуде.

Осы шаралар есебінен Bus Lane бойынша қоғамдық көлік қозғалысының тиімділігі 25%-ға жетеді, оның ішінде жол жүру уақыты орта есеппен 10 минутқа қысқарды. 2021 жылы Bus Lane арнайы жолақтары Тұран, Қабанбай батыр, Ұлы Дала, Байтұрсынов, Нәжімеденов, Түркістан, Мұхамедханов және Абылай хан көшелері мен даңғылдарының 8 учаскесінде енгізілген.

Сонымен қатар, Мемлекет басшысы көлік көп жүретін қарбалас уақыттардан бөлек және демалыс күндері қоғамдық көліктерге арналған жолақтар бойынша жеке көлік иелерінің де жүру мүмкіндігін пысықтауды тапсырды.

Осыған орай тапсырманы орындау үшін 2021 жылғы 29 тамызда Абылай хан даңғылы бойынша Пушкин көшесінен Манас көшесіне дейінгі учаскеде Bus Lane іске қосылып, оның жұмыс істеу уақыты белгіленді. Сонымен, жеке көлік иелеріне автобус жолағымен таңғы уақытта 07.30-дан 9.30-ға дейін және кешкі уақытта 17.00-ден 20.00-ге дейін жүруге тыйым салынады. Ал қалған уақытта автобус жолағымен жүруге рұқсат беріледі. Бұл шектеу пилоттық жоба шеңберінде енгізілуде.

Бүгінгі таңда қоғамдық көлік желісіне 1 400-ден астам жүргізуші, 95 маршрут, 886 автобус кестесі қызмет көрсетеді. Күн сайын қоғамдық көлікте 600 000 сапар жасалады. Қазіргі уақытта жүргізілген іс-шаралар қоғамдық көлік қозғалысы үшін бөлінген жолдарды ұйымдастырудың техникалық-экономикалық тиімділігін көрсетеді.

Тағы оқыңыз:

Елордада көктемгі санитарлық тазалау жұмыстары қаланың ажарын кіргізді