Cоңғы жаңалықтар
Back

«Екі мыңға жуық жұмыс орны бар, үй береміз!». Түркістанға келген павлодарлық мемқызметкерлер жұртты көшуге үгіттеді

Павлодар облысында қазіргі уақытта дәрігер, мұғалім және техникалық сала мамандары тапшы. Халық саны аз аймаққа Мемлекеттік бағдарлама аясында қоныс аударуға ниетті жандарға қолдау да ерекше. Мәселен, былтыр Түркістан облысынан Павлодарға көшкен 90-ға жуық отбасының мүшелері жұмысқа орналастырылып, баспанамен қамтылған. Бұл туралы Түркістан облысына арнайы келген ақпараттық-насихаттық топ өкілі Ерсін Жұмашев брифингте мәлімдеді, – деп хабарлайды Dalanews.kz Түркістан облысының Өңірлік коммуникациялар қызметіне сілтеме жасап.

– Солтүстікке көшкен жанұядағы әрбір адамға бірретік 214 мың теңге қаржы беріледі. Ауыл шаруашылығын дамытамын деген шаруалар үшін де жер құнарлылығын атап өткім келеді. Мемлекет қорындағы баспанада 5 жыл көлемінде тұрған азаматтарға үй аттарына рәсімделіп беріледі. Өкінішке орай, денсаулығына байланысты ауа райы жақпай немесе отбасылық жағдайлармен туған жеріне қайта оралған азаматтар бар. Бұл біздің тарапымыздан жағдай жасалмағандығы емес, азаматтардың ерікті түрде белгілі себептермен қайту фактісі, – деді Павлодар қаласының жұмыспен қамту орталығының бөлім басшысы Ерсін Ағынтайұлы.

Павлодардан Түркістан облысына келген ақпарттық топ мүшелері 1 апта бойы облыс аумағындағы 17 қала-аудан тұрғындарымен жүздеседі. Жоспарға сай делегация құрамындағы 40-қа жуық маман көші-қон мәселесі туралы толыққанды түсіндіру жұмыстарын жүргізеді.

Тағы оқыңыз:

Түркістанда жас депутаттар корпусының алғашқы отырысы өтті