Cоңғы жаңалықтар
Back

Ақсу мен Көксу қант зауытының өндірістік қуаты 1 млн 100 мың тонна қант өндіруге жетті

Биылғы жылдың аяғына дейін Алматы облысында ауыл шаруашылығының жалпы өнім көлемі алғаш рет бір триллион теңгеден аспақ. Биыл жетісулық шаруалар мемлекеттік қолдауға 50 млрд теңгеден астам қаражат бөлінді, оның 43 млрд теңгесі субсидияға бағытталды. Мұндай шаралармен өңірдің 15 мың шаруашылығы қамтылған. Бұл жайлы бүгін Нұр-Сұлтан қаласын Президент жанындағы ОКК алаңында өткен брифинг барысында Алматы облысының әкімі Амандық Баталов айтты, – деп хабарлайды Dalanews.kz Алматы облысы әкімінің баспасөз қызметі.

Әкімнің сөзіне сүйенсек, облыста ауыл шаруашылығы дақылдарының алқабы 972 мың гектарға жеткізілді, оның ішінде қант қызылшасы – 16 мың, жүгері – 95 мың, картоп 40 мың гектардан асты.

– Ауыл тұрғындарының табысын арттыру және азық-түлік қауіпсіздігін қамтамасыз ету мақсатында агроөнеркәсіптік кешенді дамыту шаралары қабылдануда. Біз 2025 жылға дейін қант қызылшасы алқабын 53 мың гектарға дейін ұлғайту есебінен шикізат өндірісі көлемін екі миллион тоннаға жеткізу жөнінде ауқымды міндет қойып отырмыз, – деп атап өтті облыс әкімі. Ол үшін Көксу және Ақсу қант зауыттарын жаңғырту арқылы олардың жалпы бір жылдағы өңдеу қуатын 1 млн 100 мың тонналық деңгейге жеткізу жоспарланған.