Back

Елордада сәбилерінің денсауылғын жауапкершілікпен қарайтын аналар екпе алып жатыр

Нұр-Сұлтанда бала емізетін, жүкті әйелдер, сол сияқты балалар Pfizer екпесін белсенді түрде алып жатыр, – деп хабарлайды Dalanews.kz елорда әкімдігінің ресми сайтына сілтеме жасап.

Нұр-Сұлтан қаласына Pfizer екпесі жеткізілгелі бері оны алуға ниет білдіргендер қатары күрт артты.

– Бала емізетін болғандықтан №2 қалалық емханаға вакцина алуға келдім. Өзімнің, баламның денсаулығын ойлағандықтан екпе аламын деп шешім қабылдадым. Бәрін вакцина алуға шақырамын. Одан қорқатын ешнәрсе жоқ. Денсаулық бәрінен маңызды, – дейді қала тұрғыны Толғанай Әбдіғаниева.

Вакцина егу кабинеттеріне арнайы термоконтейнерлермен жеткізіледі.

– Pfizer екпесі осы емханаға жеткізілгенін білгеннен кейін бірден келіп отырмын. Мен анамын, емізулі балам бар. Өзімнің ғана емес баламның да денсаулығына жауаптымын. Екпе қауіпсіз, қайта қауіптің алдын алады деп ойлаймын. Инеден қорқатынымды жасырмаймын (күлді), бірақ вирус одан да қорқынышты. Екпе алғаннан кейін өзімді жақсы сезініп тұрмын. Вакцинаның еш қорқынышы жоқ, екпе алыңыздар, – дейді қала тұрғыны Виолетта.

Айта кетейік, елордада Pfizer вакцинациясын алуға болатын 5 мың жүкті, 28 мың бала емізетін әйел және 63 мың бала бар.

Қала бойынша барлығы 90-нан астам вакцинация пункті бар, бірақ Pfizer-ді тек медициналық ұйымдар мен білім беру мекемелерінің медициналық пунктерінде егеді.

Тағы оқыңыз:

Алматылық инфекционист: «Дельта» нұсқасы кезде ревакцинациядан өту өте маңызды»