Back

Әжелер киіз басудан жарысты

Ел Тәуәлсіздігінің 30 жылдығын мерекелеу аясында Түркістан облысында Сауран ауданы әкімдігінің ұйымдастыруымен «Киіз басу өнері – көшпенділер мұрасы» атты байқау өтті, – деп хабарлайды Dalanews.kz Түркістан облысы әкімінің баспасөз қызметіне сілтеме жасап.

Аталған іс-шарада 12 ауылдық округтен келген әжелер бақ сынады. 3 топқа бөлініп, текемет басудың қыр-сырын көрермен алдында көрсеткен ардақты аналардың өнері қонақтарға қызықты болды.

Жүлдегерлерді анықтау да қиын соқты. Себебі қатысушылардың қолынан шыққан киіздер өте әдемі шықты. Көрермен жастар ою-өрнекпен өрнектеген киізді дайындау оңай емес екеніне көз жеткізді.

Байқау қортындысы бойынша “Ең үздік қол өнер шебері” номинациясын “Дария толқын” әжелер тобы иемденсе, “Шебердің қолы алтын” номинациясы “Асыл әжелер” тобына бұйырды. “Асыл қазына әжелер” құрамасы “Өнерлі де, өнегелі әже” номинациясына қол жеткізді. “Көрермен көзайымы” сыйлығы Бабайқорған ауыл округі, Абай ауылынан келген Анаркүл Абдулаева мен Ескі Иқан ауылының шебері Карамхон Усманова әжелерге табысталды.

Тағы оқыңыз:

Шөкеев салынып жатқан спорт нысандарының құрылысын тексерді