Back

Төлебилік шаруа: «Қазір жеке айналысатын ісім, табыс көзім бар»

Түркістан облысы Төлеби ауданы Балдыберек ауылының тұрғыны Бегман Апашев асыл тұқымды мал шаруашылығын дамытуда. Ол бұған дейін күн көрудің қамымен түрлі жұмыстарды істеген. Ақырында «Ангус» тұқымды ірі қараның санын көбейтіп, мал шаруашылығымен айналысуға тоқтаған.

Шаруа мемлекеттен берілетін субсидияны тиімді пайдаланып, асыл тұқымды сиыр сатып алған. Қазіргі таңда, еткен еңбектің арқасында мал басы санын 90-ға жеткізіп отыр.

– Елімізде мал шаруашылығын дамытуға көптеп көңіл бөлініп жатқанын еститінмін. Сосын осы шаруамен неге айналыспасқа деген ой келіп, әрекеттің арқасында арманымды іске асыра бастадым. Қазір жеке айналысатын ісім, табыс көзім бар. Мүмкіндік болса тағы қосымша мемлекет тарапынан кәсіпкерлерге берілетін көмекті алып, кәсібімнің өрісін кеңейтсем деген мақсатым бар, – деді қожалық иесі.

Шаруа биыл белгілі себептермен субсидияға қол жеткізе алмаған. Алайда, келер жылы қолдауға ие болатынына сенімді.

Тағы оқыңыз:

Түркістан. Өңірде салынып жатқан 44 мектептің 15 білім күні оқушыларды қабылдады