Карантин режимін және Шымкент қаласында коронавирус инфекциясының таралуын болдырмайтын шектеулі шараларды эпидемиологиялық жағдай тұрақталғанға дейін 2021 жылдың 2 шілдесінен бастап ұзартылсын, делінген құжатта.
Сонымен, адамдардың жаппай жиналуымен байланысты іс-шаралар өткізуге тыйым салынады (туған күн, мерейтой, ас беру, құдалық, беташар және т.б.) Қалада 65 жастан асқан адамдардың жүруіне шектеу қойылған.
Медициналық қарсы көрсетілімдері барларды қоспағанда, коронавирусқа қарсы вакцина алмаған жұмысшылар жұмысқа жіберілмейді.
Сонымен бірге автовокзалдар мен автостанциялар, әдеттегідей жұмыс істейді.
Қоғамдық тамақтану орындарында кальяндарды пайдалануға тыйым салынады.
Адам көп жүретін уақытында қоғамдық көлік санын арттыру бұйырылады.
