Cоңғы жаңалықтар
Back

Ордабасы ауданына 7,5 млрд. теңгенің инвестициясы тартылған

Ордабасы ауданында 7,5 млрд теңгеден астам инвестиция игерілген. Негізгі қорды жаңғыртуға бағытталған инвестиция көлемі өткен жылмен салыстырғанда 217,3 пайызды құрады. Оның 75,5 %-ы бюджеттік емес инвестиция, – деп хабарлайды Dalanews.kz Түркістан облысы әкімінің баспасөз қызметіне сілтеме жасап.

Кепілсіз несие бойынша 57 жеке кәсіпкер 228,5 млн теңге қаржыландырылды. Бұл көрсеткіш бойынша аудан облыс деңгейінде 3 орында. Микро несие ұйымдары арқылы 2 млрд теңгеден астам несие игерілген. «Қарапайым заттар экономикасы бағдарламасы» аясында жеңілдетілген қолжетімді несиені алу мақсатында 37 жоба ұсынылып, 23-і мақұлданды.

Өнеркәсіп саласында өндірілген өнім көлемі де едәуір артқан. Ауданда 39 кәсіпорын өз істерін дөңгелетіп, ұршықша үйіріп отыр. Олардың өндірген өнім көлемі жыл басынан бері 8 млрд теңгеден асып, облыс көлемінде алдыңғы қатарда. Биыл «Индустриялық-инновациялық даму» мемлекеттік бағдарламасы аясында 28,7 млрд теңгені құрайтын 4 жоба жүзеге асып, 500-ге азамат тұрақты жұмыспен қамтылады.

Атап айтқанда, жылдық қуаттылығы 2 млн тоннаға жететін «Standart Petroleum & Co» ЖШС-нің мұнай-химия өңдеу жобасының жалпы құны 300 млн доллар (129,9 млрд теңге). Қазіргі таңда құрылыс-монтаждау жұмыстары жүргізіліп жатқан «Агро-V» ЖШС-нің жаңа технологиялы қыш зауыты жобасы, жалпы құны 2,3 млрд теңге жалпы құны 1,6 млрд теңге болатын «RZN» ЖШС-нің автоклавталған газдалған бетон өнімін өндіру жобасы. Сондай-ақ, жалпы құны 0,8 млрд теңге болатын «Александровский сад» ЖШС-нің көкөніс сақтау қоймасы. Жоба 3-тоқсанда іске қосылады деп күтілуде.

Тағы оқыңыз:

Түркістан облысында жыл басынан бері бесінші үшем дүниеге келді

English EN Қазақ тілі KK Русский RU