Back
| DalaNews

Талдықорған төтенше жағдайға тас-түйін дайын

Алдағы уақытта Алматы облысында мұздықтар еріп, жауын-шашын молынан түсіп Қаратал, Балықты өзендерінің деңгейі күрт көтеріліп, судың ағыны бірнеше есеге ұлғаюына. Бұл туралы «Jetisy Media» ақпараттық алаңында хабарланды.

Алматы облысы орталығы Талдықорған қаласы аумағында орын алуы ықтимал төтенше жағдайлардың алдын алу, тұрғындардың қаупсіздігін қамтамасыз ету мақсатында  Талдықорған қаласының әкімідігімен арнайы қаулы бекітілді.

Бас құжаттың аясында, тілсіз жаудан келетін қатердің бетін қайтару көзделген. Талдықорған қаласының аумағында 2021 жылғы су тасқыны кезеңіне дайындық мақсатында, қауіпсіздікті және төтенше жағдайларды жоюды қамтамасыз ету ұшін Алматы облысы ТЖД-нің қалалық бөлімшелерінде жоғары өтімді – 7 техника, 1 жылжымалы мотопомпа, және 8 тасымалды мотопомпалар  жауынгерлік дайындықта тұр.

– Талдықорған қаласының аумағында 341,6 шақырым арық желілері бар. Оның ішінде 129,8 шақырымы лотоктық темірбетон кана болса, 211,8 шақырымы жер арнасында және 710 арық көпір өткелдері бар. Өтенай ауылдық округі бойынша ішкі арық су жүйелерінің жалпы ұзындығы 27 шақырымды құрайды оның ішінде 5 шақырымы латокты арық жүйесі. Мойнақ аулында 3,20 шақырымды құрайтын айналмалы канал орнатылған, – деді Талдықорған қаласы Төтенше жағдайлар басқармасы бастығының орынбасары азаматтық қорғау майоры Олжас Өсербаев.

Төтенше жағдайдың алдын алу үшін,  «Қызыл Тас» саяжай қоғамында – 1 шақырым, «Алмалы-Ащыбұлақ» саяжай қоғамында – 2,9 шақырым, Мойнақ ауылында – 712 метр құрайтын қорғаныс бөгеттеріне, су шығару арналарына нығайту, қалпына келтіру және тазарту жұмыстары жүргізілді.

Мамандардың айтуынша, атқарылған шараларының нәтижесінде 2020 жылы және 2021 жылдың өткен кезеңінде тұрғын үйлер мен шаруашылық жүргізу объектілерін су басу фактілері тіркелмеген.

Алда-жалда қызыл су басқан жағдайда тұрғындарды эвакуациялауға 14 мектеп пен І. Жансүгіров атындағы университеттің спорт залдары арнайы жасақталған. Осылайша азаматтардың жеке бас қауіпсіздігі сақталмақ.

Қатер аяқ астында екені анық. Су тасқынынан бөлек, өрт шарпуыда әп сәтте екенін естен шығармаған абзал. Жыл басынан бері қалада 17 өрт оқиғасы тіркелген. Оның ішінде 12 тұрғын үй секторы қызыл жалынның шарпуында қалған.

Жауаптылар,  өз кезегінде барша адамзатты ұқыпты болуға, әсіресе табиғи газды пайдалану кезінде қауіпсіздік ережелерін сақтаңыздар деп дабыл қағуда. Улы газдан келетін қатерді болдырмау мақсатында қала әкімдігінің қолдауымен 1682 газ датчиктері әлеуметтік осал топ өкілдерінің үйіне орнатылған. Сәйкесінше, өрт шығу салдарыда азайған.

Тағы оқыңыз:

 

Балқаштан бастап Кегенге дейін газ тартамыз – Баталов