Президенттің тапсырмасын іске асыру мақсатында Шығыс Қазақстан облысы, Бородулиха ауданына қарасты Зенковка ауылында желтоқсан айының соңында маңызды оқиға орын алды. Ауылда «Зенковка» жастар хоккей клубының тәрбиеленушілеріне ШҚО дене шынықтыру және спорт басқармасы сатып алған 27 жұп коньки, қақпашы нысаны және басқа да ойын жабдықтары сыйға тартылды. Команданы аудан әкімінің орынбасары Е.Селиханов, округ әкімі Д. Асаубаев, БЖСМ, дене шынықтыру және спорт бөлімінің мамандары құттықтады.
Сонымен қатар, осы күндері спорттық жетістіктерімен әйгілі Петропавловка ауылында әкімдіктің бастамасымен ауданы 800 шаршы метр мұз айдыны ашылды, ал Өскемен қаласының «Торпедо» хоккей клубы ауыл жастарына 10 хоккей таяқшасы мен 10 коньки сыйлады.
Алдағы уақытта хоккей командасын ұйымдастыру және аудандық жарыстарға қатысу жоспарлануда. Балалармен қатар, ересектер бос уақыттарын конькимен сырғанау, хоккей ойнау арқылы тиімді өткізеді. Жас спортшыларға жарыстарда жеңіс тілейміз!
