Округте өткен 2020 жылдың 9 айы бойынша барлық негізгі бағыттар бойынша экономикалық өсу қарқыны сақталған.
Биылғы жылдың 9 айында округ әкімінің атына жеке және заңды тұлғалардан 24 жазбаша өтініш түсіп, қанағаттандырылған.
Тұрғындарға барлығы 144 мемлекеттік қызметтер көрсетілген.
– Округ халқы негізінен егін және мал шаруашылығымен айналысады. Жалпы округте 52 шаруа қожалығы, 1 ЖШС, 1 наубайхана бар. Осы жылы 2140 гектар жерге ауылшаруашылық дақылдары себілді. Ал, мал шаруашылығына келсек, округте 1315 бас ірі қара, оның ішінде 852 бас сиыр, 2838 бас қой-ешкі, 421 бас жылқы және 7840 бас құс бар. Қысқы мал азығын дайындау жұмыстары толығымен аяқталды, – дейді Лепсі ауылдық округінің әкімі.
Ағымдағы жылы округте жаңа 9 тұрақты, 25 уақытша жұмыс орындары ашылған.
«Жұмыспен қамтудың жол картасы – 2020» бағдарламасы аясында округке қарасты Байзерек ауылдық негізгі орта мектебінің ішкі дәретханаларына 1млн 600 мың теңге қаражатқа жөндеу жұмыстары жүргізілген.
Көгалдандыру-абаттандыру жұмыстары бойынша ауылда 20 түп қарағай ағаштары отырғызылған. Алдағы уақытта тағы 50 түп отырғызу жоспарлануда.
