Cоңғы жаңалықтар
Back

Төлеби ауданында мал бордақылау алаңдары артып келеді

Төлеби ауданының Көксәйек ауылдық округінде орналасқан «АДС-АГРО» ЖШС мал бордақылау алаңын кеңейтіп, жылқы санын көбейтуді қолға алған, – деп хабарлайды Dalanews.kz Түркістан облысының Өңірлік коммуникациялар қызметіне сілтеме жасап.

Кәсіпкер Пірімхан Жүнісов бұл саланы дамыту үшін мемлекет көмегіне жүгінген. Серіктестік алғашқы кезде «ҚазАгро» қаржы ұйымынан 214 млн теңге несие алып, мал бордақылау мақсатында ірі қара сатып алған.

Кейіннен, «ҚазАгро» АҚ-нан жеңілдетілген несие алып, жылқы басын көбейтуді қолға алған. Қазіргі таңда серіктестік 18 ауыл тұрғынын тұрақты жұмыспен қамтуда. Жалпы 18 гектар аумақта орналасқан кешенде қазіргі таңда 600 бас жылқы өсірілуде. Кәсіпкер жыл соңына дейін жылқы санын 1000-ға жеткізуді көздеп отыр.

Тағы оқыңыз:

Ордабасыда тәулігіне 120 мың қыш өндіретін зауыт іске қосылуда