Back

Алтай Көлгінов праймериз іріктеуінің қорытындысын шығарды

Нұр-Сұлтан қаласы әкімі Праймериздің бірінші кезеңінің жеңімпаздарымен – Парламент Мәжілісі мен Нұр-Сұлтан қаласы мәслихатының депутаттығына үміткер «Нұр Отан» партиясының партиялық тізіміндегі әлеуетті кандидаттармен кездесті.

Алтай Көлгінов қаруластарына партиялық байқауға қатысқаны үшін алғысын білдірді. Ол жалпы алғанда Праймериз демократия мен плюрализм рухында өткенін атап өтті. Электрондық дауыс берудің енгізілген тетігі болып табылатын «Праймериздің» арнайы электронды жүйесі өзіндік саяси инновацияға айналды және қол жетімділік, заңдылық, ашықтық және қауіпсіздік принциптерімен сипатталады.

Қала әкімі сайыстың барлық көшбасшыларына, яғни «Нұр Отан» партиясынан елорда мәжілісі мен мәслихаты депутаттығына үміткерлерге алғыс хаттар табыстады.

Айта кететін жайт, елорда әкімі «Нұр Отан» партиясы Нұр-Сұлтан қаласы филиалының төрағасы ретінде Сарыарқа ауданының №18 сайлау учаскесінде дауыс берді. Процедура соңында ол Праймериз үміткерлер үшін өзін көрсетуге жақсы мүмкіндік екенін атап өтті.

«Біз партия ішінде, бәсекелестік ортада партия лидерлерін таңдай аламыз, содан кейін тізімді құра аламыз. Менің ойымша, бұл біз үшін пайдалы тәжірибе», – деп атап өтті Алтай Көлгінов.

Өз кезегінде, бұған дейін партияның хатшысы Арман Қырықбаев дауыс беру кезеңінде «Праймериз» ақпараттық жүйесі қолданушыларының белсенділігі артқанын атап өтті. Мұның бәрі жүйенің шамадан тыс жүктелуіне әкелді.

«Қызу кезеңдерде біз 70-тен 100 мыңға дейін бір реттік қоңырауларды тіркедік. Тиісінше, бұл сұраныстарды қарау уақытын арттырып, процессті кешіктірді. Ақпараттық технологиялар мамандары барлық проблемаларды жою үшін үлкен жұмыс жасады, барлық сұраныстарды оңтайландырды, дауыс беру және нәтижелерді қарау функциялары әртүрлі серверлерге таратылды», – деп атап өтті партия хатшысы.

Спикер бүгінде Праймериздің бірінші деңгейі сәтті аяқталғанын атап өтті.

«Біз Праймеризді ашық және бәсекелі түрде өткізу туралы міндет қойдық, партия Көшбасшысының бұл нұсқауы сәтті аяқталды, барлық рәсімдер ережелерге сәйкес орындалды деп ойлаймыз», – деп атап өтті Арман Қырықбаев.

Тағы оқыңыз:

Күрішбаев: «Қағаздағы әдемі баяндама ауылдағы жағдаймен сәйкеспейді»