Back

Бәйге: Волонтер жастарға арналған 300 000 теңге көлеміндегі шағын гранттың иегері атаныңыз!

Нұр-Сұлтан қаласының Жастар саясаты мәселелері басқармасы тапсырысымен  “Волонтерлік бастамаларды қолдау бойынша іс-шаралар кешенін ұйымдастыру және өткізу” жобасы аясында “Адырна” ұлттық-этнографиялық бірлестігі 300 000 (үш жүз мың) теңге көлемінде шағын грантқа ие болатын 22 жеңімпазға конкурс жариялайды.

Конкурс мақсаты: Нұр-Сұлтан қаласының 14-29 жас аралығындағы волонтерлік бастамаларды қолға алып жүрген белсенді жастарды анықтау;

Конкурс міндеттері: Еріктілер институтын дамыту;

Волонтер жастардың әлеуметтік жобаларын іске асыруға қолдау көрсету;

Белсенді жастардың волонтерлық бағыттағы мәселелерін шешуге жәрдемдесу;

Жастар бойында патриоттық сезімді оятып, өз ісіне сүйіспеншілікпен қарауға баулу;

Байқауға Нұр-Сұлтан қаласының 14-29 жас аралығындағы белсенді жастары қатыса алады.

Байқау мерзімі: 2020 жылдың 10 қыркүйек пен 25 қыркүйек аралығы

Жобалар келесі бағыттар бойынша қабылданады:

Экологиялық ағарту жұмыстары бойынша волонтерлік жобалар;

Оқушы, студент жастар мен әлеуметтік топтарға білім беруге бағытталған жобалар;

Балалар және қарттар үйіндегі адамдарды қолдауға бағытталған жобалар;

Мүмкіндігі шектеулі адамдарды қолдауға бағытталған жобалар;

Мәдени-тарихи мұраны сақтау және дамыту, тарихи ескерткіштерді, мәдени-мемориалдық кешендерді қалпына келтіру және сақтауға бағытталған жобалар;

Құқық қорғау және табиғи, техногенді сипаттағы төтенше жағдайлардың алдын алу бойынша жобалар;

Инновациялық жобалар;

Ғылыми жаңалықтар;

Информатикалық бағдарламалау;

Бизнес идеяларды іске асыратын жобалар;

Экспедициялар мен экскурсиялар ұйымдастыруға арналған жобалар;

Әлеуметтік мәдени және спорттық жобалар;

Шығармашылық және қайырымдылық іс-шаралар

Қоғамның әлеуметтік мәселелерді жариялайтын журналисттер немесе блогерлер;

Медициналық бағыттағы және карантин кезінде іске асырылатын жобалар;

Әдебиет пен тілге қатысты жобалар;

Жастар белсенділігін дамытуға арналған жобалар;

бапқа сай келетін басқа бағыттар.

Карантин режимі күшейтілген жағдайда жобалар онлайн/офлайн форматта жүргізіледі.

Өтінімдер volonter_zhastar@bk.ru, volonter.zhastar@gmail.com почтасына жіберілуі тиіс.

Байқау ережесі мен өтінімдерді +7 747 933 91 09 байланыс нөмірінен ала аласыз.