Back

Келімбетов жаңадан құрылған агенттікті басқаратын болды

«Астана» халықаралық қаржы орталығының басқарушысы Қайрат Келімбетов ҚР Стратегиялық жоспарлау және реформалар агенттігінің төрағасы болып тағайындалды.

Қайрат Келімбетов 1969 жылы Алматы қаласында туған. ҚР Ұлттық Банкінің Төрағасы болған. 2012-2013 жылдары ҚР Премьер-Министрінің орынбасары лауазымында макроэкономика, бюджет саясаты, мемлекеттік активтерді басқару және қаржы секторы, салық және кеден саясаты мәселелеріне жетекшілік етті.

Сондай-ақ Қазақстан атынан Еуразиялық экономикалық комиссия кеңесінің төрағасы болды. 2011 жылы ҚР Экономикалық даму және сауда министрі қызметін атқарған болатын.

2008-2011 жылдары Келімбетов мырза республиканың барлық мемлекеттік активтерін біріктірген «Самұрық-Қазына» Ұлттық әл-ауқат қорын басқарды. Бұдан кейін ҚР Президенті Әкімшілігінің басшысы, «Қазына» тұрақты даму мемлекеттік қорының басшысы, экономика және бюджеттік жоспарлау министрі қызметтерін атқарған.

Сондай-ақ ҚР Президенті жанындағы Жоғары экономикалық кеңесте, ҚР Стратегиялық жоспарлау агенттігін басқарды, ҚР Қаржы бірінші вице-министрі болды.

Тағы оқыңыз:

«Қаржы толық қайтарылады». Келімбетов Әзірбайжан банкіне салған қаржыны қайтармақшы.