Back

Маман жұрттың оттегіні өз бетінше қолдануға болмайтынын ескертті

Қазақстандықтар КВИ кезінде оттегімен емдеуге белсенді қызығушылық танытуда. Орталық коммуникациялар қызметінде көпшіліктің сұрақтарына жауап берген Алматы қаласының штаттан тыс бас пульмонологы Сәуле Қасенова емдеу кезінде мұндай әдістің қолданылатынын растады.

Білікті маманның айтуынша, тыныс алу жетіспеушілігінің критерийлерінің бірі оттегі сатурациясының төмендеуі болып табылады. Оны жедел жәрдем дәрігерлері анықтайды. Олар пульсоксиметрлердің көмегімен пациенттің ағзасындағы оттегінің құрамын бірден көреді. Егер 95-93%-дан кем болса, онда стационарлық емдеу ұсынылады. Сатурацияның сыни көрсеткіші – 88%.

– Бірақ таза оттегі қауіпті. Ол шырышты және өкпенің күйігін тудыруы мүмкін. Стационарлық жағдайларда және қарқынды терапия палаталарында оттегі концентраттары арқылы ылғалданған оттегі беріледі. Мамандардың қатаң қадағалауымен минутына 5 литр. Оттегі амбулаториялық жағдайда қолданылмайды. Сондықтан адамдар оны өз бетінше қолданбауы тиіс, – деп ескертті сарапшы.

Тағы оқыңыз:

COVID-19. ПТР мен КТ өту мүмкіндігі болмаса, қан талдауын тапсырған абзал