Back

Әлеуметтік медициналық сақтандыру қоры мен «СК Фармация» басшылары жұмыстан шығарылды

Қазақстан Президенті Қасым-Жомарт Тоқаевтың төрағалығымен Үкіметтің кеңейтілген отырысы болып өтті. Басқосуда Мемлекет басшысы МӘМС қоры мен «СК Фармация» басшыларын жұмыстан шығаруды тапсырды деп хабарлайды Dalanews.kz ақпарат агенттігі.

– Туындаған қиындыққа кінәлілердің бәріне қатысты тергеу жүргізу керек. Жауапкершілікке тартқан дұрыс. МӘМС қоры мен «СК Фармация» басшылары жұмыстан шығарылсын. Керек болса тергеу жүргізген жөн, – деді Қасым-Жомарт Тоқаев Үкіметтің кеңейтілген отырысында.

Жиында Үкімет 2020 жылдың алғашқы жарты жылдығындағы еліміздің әлеуметтік-экономикалық даму қорытындысы туралы есеп беруде. Сондай-ақ, коронавирусқа қарсы күреске қатысты қабылданған шаралар, Мемлекет басшысының Үкіметтің алдағы уақытта атқаратын жұмысының негізгі бағыттары бойынша берген тапсырмалары мен міндеттері қарастырылады.

Тағы оқыңыз:

Айбатыр Жұмағұлов: “Біздің үйде бір-ақ көлік бар”