Back

Елімізде антисептик шығарыла бастады

Қазақстанда жарияланған карантин жағдайында, шағын, орта кәсіпорындардың жұмыс істеуіндегі қиындықтар жағдайында, бірнеше ірі алкогольді және алкогольсіз сусындарды өндіруші зауыттарды қамтитын Asia Waters өндірістік және сауда компаниясы қазақстандықтарды профилактикалық жеке қорғаныс құралдарымен қамтамасыз ету үшін антисептиктерді шығаруды бастады.

Коронавирустық пандемия жағдайында елімізде жеке қорғаныс құралдарының жетіспеушілігі туындады, соның салдарынан қазақстандықтар өздерін мүмкіндігінше жұқтырудан қорғай алмауда. Қорғаныс құралының және «дәрілердің» бірі – бұл антисептик.

Күшті алкогольді ішімдіктерді өндіруші ретінде Asia Waters өндірісті жартылай қайта жандандыруға және елдегі тапшылықты жою үшін антисептикалық препараттарды өндіруді бастауға шешім қабылдады.

– Нарықтың антисептиктерге деген шұғыл қажеттілігін ескере отырып, жаңа өнімді шығаруды ұйымдастыруға байланысты қосымша қаржылық шығындарға қарамастан шешім дереу қабылданды. Осы уақытқа дейін біз елімізде күшті алкогольдің жалғыз өндірушісі болып табылатын едік, ендігі уақытта, тиісті мемлекеттік органдарда тез тіркеліп, сертификаттаудан өтіп, сапалы және қауіпсіз антисептикалық препараттарды қол жетімді бағамен шығаруды ұйымдастырдық, – деді Asia Waters коммерциялық директоры Руслан Ламанов.

0,5 литр, 1 литр және 5 литр көлеміндегі «АСЕПТДЕЗИН» антисептиктерінің алғашқы партиясы «Көкшетау минералды сулары» АҚ-ның («Asia Waters» компаниясының құрамына кіреді) ірі өндіріс орындарының бірінде шығарылды. Антисептикалық рецепт, ДДҰ ұсынымдары бойынша, «Кентавр» Ақтөбе спирт зауытының технологтарымен жасалған. Мемлекеттік стандарттарға сәйкес, антисептик ҚР Денсаулық сақтау министрлігінде тіркеуден және сертификаттаудан өтті, бұл оның қауіпсіздігі мен сапасын растайды.

 – АСЕПТДЕЗИН сауда маркасымен антисептик жұқпалы аурулардың алдын алу үшін қолды тазартуға арналған және барлық санитарлық және сапалық стандарттарға сәйкес келеді. Антисептик құрамында алкоголь, сутегі асқын тотығы және теріні жұмсартатын ингредиенттер бар. Өткен тәулікте Көкшетау минералды суларының негізінде 80 мың литр антисептиктер шығарылды. Жалпы, 15 сәуірге дейін 600 мың литр антисептик шығару жоспарланған. Осы мақсатта неміс өндірушісі Krones өндірісінің желісі арнайы жөндеуден өтті. Өндіріс көлемі нарықтың қажеттілігі мен шикізаттың жеткізілуіне байланысты, бірақ өндірістік қуаттылық көбірек мүмкіндік береді, – дейді  KMW директоры Станислав Максимец:

Asia Waters осындай антисептикті Қостанай қаласындағы спирт зауытында да шығарады. Қазіргі уақытта компания медициналық мекемелер мен мемлекеттік ұйымдардан тапсырыс қабылдап жатыр. Жақында елдегі дүкендерде жаңа антисептик пайда болады. Ұсынылған баға 0,5 литр үшін 1730 теңге, 1 литр үшін 2640 теңге, 5 литр үшін 11 880 теңге болады.

Тағы оқыңыз:

Өскемен мен Семейдегі шектеуге тұрғындар түсіністікпен қарауда