Back

Украинада Зеленский түскен фильмдерді көрсетуге тыйым салынды

Украинаның кино бойынша мемлекеттік агенттігі 2019 жылы бес фильмнің (оның ішінде екеуі ресейлік) таралуына тыйым салған.

Тыйым салынған фильмдердің ішінде басты рөлде Украина президенті Владимир Зеленский ойнаған “Сегіз жаңа кездесу” картинасы да бар. Бұл орыс-украин туындысы.

Онда Украина ұлттық қауіпсіздік қызметі елге қауіп төндіретін адамдар тізіміне енгізген ресейлік актриса Екатерина Варнава да бас кейіпкерлердің бірінде ойнаған. Ол аннексияланған Қырымға барғаны үшін “қара тізімге” енген.

Мұнан бөлек агенттік америкалық актер Стивен Сигал ойнайтын “Мачете” мен Жерар Депардье бас рөлді сомдаған “Тимпельбахтың сотқары” фильміне де тыйым салған.

2017 жылы аталған кино жөніндегі агенттік Украина президенті Владимир Зеленский басты рөлдердің бірінде ойнаған “Құдалар” фильміне де тыйым салған. Себебі онда Украина “қара тізімінде” тұрған актер Федор Добронравов рөлдердің бірін сомдаған.

Тағы оқыңыз:

Оксана Петерс: “Әблязов? Ол Назарбаевқа берген уәдесін орындамады”