Back

Алматыда жұртты тәртіпсіздікке шақырған екі адам ұсталды

Алматыда азаматтарды тәртіпсіздік пен зорлық жасауға шақырғандар қылмыстық жауапкершілікке тартылды, – деп хабарлайды Tengrinews.kz тілшісі қалалық полиция департаментінің баспасөз қызметіне сілтеме жасап.

Полиция департаменті Тергеу басқармасының мәліметінше, күдіктілерді полиция бөлімшесінің жедел уәкілдері анықтаған.

Ұсталғандар – 1990 жылғы және 1987 жылғы ер адамдар. 1990 жылғы ер адамның осыған дейін қарақшылық үшін сотты болғаны айтылады. Олар әлеуметтік желілер мен мессенджерлерде халықты адам көп жүретін жерде жиналып, құқыққа қайшы әрекеттер жасауға шақырған.

«Олар ҚР Қылмыстық кодексінің 272-бабының 3-бөлігі бойынша жазаланды. Сотқа дейінгі тергеу басталды. Қажет сараптамалар тағайындалды. Полиция департаменті сенімсіз дереккөздерден тараған ақпаратқа сенбей, арандатуға ермеуге шақырады», – делінген полиция департаментінің хабарламасында.

Тағы оқыңыз:

Азаматхан Әміртай: «Өзге ұлттар топтасқан анклавтарды өзімізге сіңіру керек»