Cоңғы жаңалықтар
Back

Коронавирус. Қырғыздар қытай етіне уақытша тыйым салды

Қырғызстан Қытайдан ет өнімдерін тасуға уақытша тыйым салды. Бұл туралы Қырғызстан мемлекеттік ветеринарлы және фитосанитарлы қауіпсіздік инспекциясы хабарлады.

Инспекция мәліметі бойынша, 2019 жылы Қытайдың Хенань провинциясынан 48 тонна үйрек еті әкелінген.

Хенань провинциясы жаңа вирус тараған Хубэй провинциясынан 500 шақырым жерде орналасқан. Вирусқа қатысты жағдай тынышталмайынша, Қытайдан Қырғызстанға ет уақытша кіргізілмейді.

Қытайда тараған жаңа вирустан 25 адам қаза тауып, 830-дан астам адам кесел жұқтырды. Вирус басқа да елдерге тарап жатыр. Жұқпалы вирус Сингапур мен Вьетнамда да тіркелді.

Дүниежүзі денсаулық сақтау ұйымы коронавирустың таралуын Қытайдағы төтенше жағдай деп жариялады, бірақ ғаламдық эпидемия туралы дабыл қағылмады. Дегенмен жаңа вирус эпидемиясы жариялануы мүмкін.

 

Тағы оқыңыз:

 

Қытай: жаңа вирус мутацияға ұшырап, 440 адамға жұқты