Back

Ирандағы ұшақ апаты. Желіде бақылау камерасы түсірген видео тарады

Әлеуметтік желілерде бақылау камерасы түсірген видео тарады.


Иранның азаматтық авиация ұйымы украиналық “Боинг” ұшағының апатқа ұшырауы туралы екінші есебін жариялады.

Құжатта ұшақ Ресейде шығарылған “Toр-M1” зенитті-зымыран кешенімен “жер-әуе” санатына жататын екі зымыранмен атып түсірілгені айтылған. Бұл туралы Bloomberg хабарлады.

Иран билігінің мәліметі бойынша, ұшақ Тегеран әуежайынан ұшқанына алты минуттан соң негізгі радар экранынан жоғалып кеткен. Зымыран тиген ұшақ бағыттан ауытқып, қатты жылдамдықпен қоғамдық саябаққа құлаған.

Әлеуметтік желілерде бақылау камерасы түсірген видео тарады.

Есепте Иран құлаған “Боинг” ұшағының “қара жәшігін” зерттейтін техникалық мүмкіндік жоқ екенін мойындады. Bloomberg мәліметі бойынша, Франция мен АҚШ мұндай құрылғыны Иранға беруден бас тартқан. “Қара жәшік” тағдыры әзірге белгісіз.

Тегераннан Киевке ұшқан “Боинг” ұшағы 8 қаңтарда апатқа ұшырады. Ұшақ бортындағы 176 адам қаза тапты. Олардың дені – Иран мен Канада азаматтары.