Cоңғы жаңалықтар
Back

Амандық Баталов: “Ауылға келген әрбір жас маманға жағдай жасаймыз”

Өткен жылы Алматы облысының мектептеріне келген 1400-ден астам жас маманның 1079-ы – «Дипломмен ауылға» бағдарламасының қатысушысы.

«Дипломмен ауылға» бағдарламасы іске қосылған 10 жыл ішінде Алматы облысында 4328 жас педагог көтерме ақы алса, баспана алуға 2 мыңға жуық бюджеттік несие берілген.

Бұл туралы облыс әкімі Амандық Баталов айтты, – деп хабарлайды Алматы облысы әкімінің баспасөз қызметі.

Кеңесте жас мамандарды қолдау, кадр мәселесін шешу проблемалары сөз болды.

Облыстық білім басқармасының мәліметіне сүйенсек, өткен жылы өңірдегі білім беру ұйымдарындағы педагогтар қатары 1400-ден астам жас маманмен толыққан.

Соның 1079-ы «Дипломмен ауылға» бағдарламасы аясында ауылдық жерлерге жұмысқа орналасқан. Оларға жан-жақты әлеуметтік көмек көрсетілген.

Солай бола тұра, бүгінгі күні облыс мектептеріне орыс сыныптарындағы бастауыш сынып мұғалімі, орыс тілі мен әдебиеті, математика, физика, химия, ағылшын тілі пәндері бойынша 111 маманға қажеттілік бар.

Облыс әкімдігінен берілген гранттардың 141-і педагогикалық мамандықтарға бөлінуі аталған мәселені шешуге ықпал етпек.