Back

Үмкіткер білім мен медицина саласына баса мән береді

ҚР Президенттігіне кандидат Қ.К.Тоқаевты қолдау жөніндегі Түркістан облыстық қоғамдық штаб мүшелері Жетісай ауданында болып, ақ халатты абзал жандармен кездесті.

Облыстық штаб төрағасы Ұласбек Сәдібеков «Nur Otan» партиясының атынан ұсынылған кандидат Қасым-Жомарт Тоқаевтың сайлауалды бағдарламасын кеңінен түсіндірді.

–  Кандидатымыз білім мен медицина саласына да айрықша мән беріп отыр. Медицина саласында  ауқымды жұмыстар қолға алынады. Еліміздегі ауруханалар мен емханалар толық жабдықталады, –  деді Ұласбек Сәдібекұлы.

Кездесуде Жетісай орталық аурухананың дәрігері Перизат Ахметова бағдарламада елді дамудың даңғыл жолына бастайтын үлкен қадамдар жасалғандығын айтты.

–  «Бірге» атты акцияға қатысып, өз ұсынысымды жеткіздім. Қоғамдық қабылдауға да қатысуға үлкен мүмкіндіктер жасалыпты. Сайлауалды тұғырнамада көптеген мәселелер қамтылған – деді ол.