Back

Қызылорда облыстық Ішкі саясат басқармасының басшысы тағайындалды

Маханов Талғат Толыбайұлы Қызылорда облыстық ішкі саясат басқармасының басшысы лауазымына тағайындалды.

Т. Маханов 1976 жылы туған. Әл-Фараби атындағы Қазақ мемлекеттік ұлттық университетін «Журналистика», Мәскеу экономика, статистика және ақпарат университетін «Қаржы және несие» мамандықтары бойынша бітірген.

Еңбек жолын 1993 жылы «Бағым» жауапкершілігі шектеулі серіктестігінің жұмысшысы ретінде бастаған.

1997-2007 жылдары «Хабар» акционерлік қоғамы мен «Қазақстан» республикалық телерадиокорпорациясында жауапты қызметтер атқарған.

2007-2015 жылдары ҚР Ауыл шаруашылығы министрлігінің баспасөз хатшысы, Қазақ агротехникалық университеті баспасөз орталығының директоры, Қызылорда облысы әкімдігінің іс басқармасы директорының орынбасары.

2015 жылдан осы кезге дейін Қызылорда облысы әкімінің көмекшісі лауазымында қызмет атқарып келді.